Украина ҳарбий разведкаси Қора денгиздаги Бойко вишкалари — газ ва нефть платформалари устидан назоратни қайтарганини эълон қилди. Бу ҳақда хабар берди.
Разведка маълумотига кўра, “Пётр Годованец” ва “Украина” бурғилаш платформалари, шунингдек, “Таврида” ва “Сиваш” сузувчи бурғилаш қурилмалари назорат остига қайтарилган.
Бундан ташқари, операция давомида вертолёт ўқ-дорилари ва Қора денгиздаги кемалар ҳаракатини кузата оладиган Нева радар тизими қўлга киритилган. Катерлардаги Украина махсус кучлари ва Россия аэрокосмик кучларининг Су-30 қирувчиси ўртасидаги жангда рус самолёти шикастлангани айтилмоқда.
“Украина разведкаси платформалар устидан назоратни қайта тиклаш бўйича операцияни стратегик аҳамиятга эга деб ҳисоблайди —шу тариқа Россия Қора денгизни тўлиқ назорат қилиш имкониятидан маҳрум бўлади. Бу Украинани Қримни қайтаришга яқинлаштиради”, — дейди разведка.
.jpg)
Россия Мудофаа вазирлиги Қора денгиздаги мазкур вазиятга изоҳ бермади.
Бойко миноралари (“Вишки Бойко”) “Черноморнефтегаз” компанияси томонидан бошқарилган. 2014 йилда Қрим аннексия қилинганидан кейин “Черноморнефтегаз” Россия назоратига ўтди.
.jpg)
Британия разведкасининг таъкидлашича, Украинага ҳужумдан бери Россия платформалардан вертолётлар учун майдончалар ва узоқ масофага учувчи ракета тизимларини жойлаштириш учун фойдаланган. Бу маълумотга Украина разведкаси ҳам қўшилган.
Изоҳ (0)