Бухоро вилояти Когон шаҳрида 2 туп дарахт кесган шахс табиатга 42 млн сўм зарар етказди. Бу ҳақда вилоят Экология бошқармаси матбуот хизмати хабар берди.
Унга кўра, 13 март куни Когон шаҳридаги “Ўзбекистон темир йўллари” компаниясига тегишли эски футбол стадиони ҳудудидан фуқаро Б.А. ҳеч қандай рухсатномасиз 2 туп манзарали шумтол дарахтини кесиб ташлагани аниқланган. Ҳолат юзасидан ҳуқуқбузар фуқарога нисбатан маъмурий ҳуқуқбузарликка оид баённомалар расмийлаштирилиб, 42 000 000 сўм табиатга етказилган зарар ҳисобланган.
Ҳозирда ушбу ҳудудда ҳеч қанақа дарахт кесилмаган ҳамда ҳудуддаги дарахтлар сони, қанақа турга кириши, ёши шакллантирилган.
Изоҳ (0)