Нью-Йорк мэри Эрик Адамснинг айтишича, шаҳарга мигрантлар оқими кварталларнинг вайрон бўлишига, шунингдек, ресурсларнинг янада камайишига олиб келиши мумкин.
Politico нашрининг хабар қилишича, шаҳар мэри ўтган йил давомида 100 минг мигрантни қабул қилганидан кейин шаҳар молиявий тарафдан инқирозга юз тута бошлаганидан афсусда эканлигини маълум қилди.
“Бу масала Нью-Йоркни вайрон қилади ва барчамизга таъсир қилади. Мен бу ҳақда ўтган йили 15 000 мигрантни қабул қилганимизда гапирган эдим, ҳозир эса мигрантлар сони 110 000 га яқин бўлганида гапиряпман. Биз ўзимиз билган шаҳарни йўқотиш арафасидамиз”, — деди Адамс.
Июль ойида Нью-Йорк мэри Эрик Адамс шаҳардаги мигрантлар сонини камайтиришга қаратилган чора-тадбирлар амалга оширилишини маълум қилганди.
Хусусан, Нью-Йоркдаги бошпаналарда бўлган катта ёшли мигрантларга ўзларига бошқа уй-жой топиш учун 60 кун вақтлари борлиги тўғрисида билдиришномалар берилишини айтиб ўтганди.
Изоҳ (0)