Мянма суди маҳаллий мустақил интернет нашри бўлган Мyanmar Nоw фотомухбирини “Мокко” тропик циклони оқибатларини ёритгани учун 20 йиллик қамоқга ҳукм қилди.
40 ёшли Саи Зау Таик қўпорувчилик фаолияти, ёлғон маълумот тарқатиш, интернетда туҳмат қилувчи маълумотларни тарқатиш, ҳукумат ва армияга қарши норозилик намойишларига чақириш ва бошқа жиноятларда айбланган.
Мyanmar Nоw маълумотларига кўра, ҳибсга олинган пайтда Саи Зау Таик “Мокко” тропик циклонидан қаттиқ жабрланган ғарбий Ракхайн штатида бўлган.
Штатда камида 148 киши табиий офатдан жабрланди, 186 мингдан ортиқ бино ва иншоотлар зарар кўрди. Мухбир иш жараёнида ҳибсга олинган. Унга яқинлари билан учрашишга рухсат берилмади, жўнатмалар тақиқланди.
Шунингдек, ҳибсга олинган мухбирга адвокат хизматидан фойдаланишга рухсат берилмаган, суд мажлислари ва бошқа зарур ҳуқуқий жараёнлар ўтказилмаган, у илгари сурилган, бироқ аниқ рўйхати ошкор этилмаган барча бандлар бўйича айбдор деб топилган.
Изоҳ (0)