Тошкент шаҳрининг икки тумани — Яккасарой ва Чилонзорда электр таъминоти вақтинча тўхтатилади. Бу ҳақда “Ҳудудий электр тармоқлари” АЖ ахборот хизмати хабар берди.
Унга кўра, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларнинг олдини олиш, куз-қиш мавсумига пухта тайёргарлик кўриш мақсадида эртага, 8 сентябрь куни қуйидаги манзилларда электр таъминоти вақтинча ўчирилади:
- Яккасарой тумани: “Тўқимачи” МФЙнинг айрим кўчаларида соат 10:00 дан 14:00 гача;
- Чилонзор тумани: “Гулистон” МФЙнинг айрим кўчаларида соат 09:00 дан 17:00 гача.
“Ҳудудий электр тармоқлари” АЖ Тошкент шаҳар филиали мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўради.
Изоҳ (0)