Икки қизи билан Суриядаги халқаро террорчилик ташкилоти жангарилари аъзоси бўлган ўзбекистонлик аёл қидирилмоқда. Бу ҳақда пойтахт ИИББ ахборот хизмати хабар берди.
Хабарга кўра, 1981 йилда Тошкент шаҳрида туғилган Л.М. 2015 йилда Москвада яшовчи Д. исмли эркак билан “Одноклассники”да танишиб қолган. Эркак Россияда диний эркинлик борлигини айтиб, уни Россияга келишга ундаган. Шундан сўнг аёл 2015 йил август ойида фарзандлари билан Россияга етиб борган.
У Москва шаҳрида “жиҳодчилар” диний экстремистик оқимининг аъзоси бўлган Д. даъватлари асосида Озарбайжон орқали Туркияга “ҳижрат” қилган. Ушбу давлатдан айланма йўллар орқали Сурияга ўтиб, ИШИД таркибидаги “Ҳайъат тахрир аш-шам” халқаро террорчилик ташкилотининг жангариларига бориб қўшилган.
Шунингдек, аёлнинг икки қизи ҳам онаси билан биргаликда мазкур халқаро террорчилик ташкилотининг жангариларига қўшилган. Ҳозирда уларга нисбатан ҳуқуқ тартибот идоралари томонидан Жиноят кодексининг 244-моддаси билан жиноят иши қўзғатилиб, қидирув эълон қилинган.
Изоҳ (0)