Ўзбекистонда энг кўп абитуриент талабаликка тавсия этилган ҳудудлар топ бешталиги маълум бўлди

Ўзбекистонда ҳудудлар кесимида абитуриентларнинг талабаликка тавсия этилиш кўрсаткичлари тақдим этилди.

Маълум қилинишича, 2023/2024-ўқув йили учун ОТМларга кириш тест синовлари натижаларига кўра 193 421 нафар абитуриент талабаликка тавсия этилди. Энг кўп абитуриент талабаликка тавсия этилган ҳудудлар (доимий яшаш ҳудуди бўйича):

• Қашқадарё вилояти — 20 759 нафар;
• Самарқанд вилояти — 20 421 нафар;
• Фарғона вилояти — 18 822 нафар;
• Тошкент вилояти — 15 347 нафар;
• Қорақалпоғистон Республикаси — 14 428 нафар.

ОТМларга кириш тест синовлари натижаларига кўра фоиз ҳисобида талабаликка тавсия этилиш кўрсаткичи юқори бўлган ҳудудлар (доимий яшаш ҳудуди бўйича):

• Бухоро вилояти — 28,32 фоиз;
• Навоий вилояти — 24,03 фоиз;
• Хоразм вилояти — 23,95 фоиз;
• Қорақалпоғистон Республикаси — 22,84 фоиз;
• Тошкент шаҳри — 22,18 фоиз.

Талабаликка тавсия этилган абитуриентларнинг тест синовида тўплаган ўртача бали 99 баллни ташкил этди. Юқорироқ натижа қайд этган ҳудудлар (доимий яшаш ҳудуди бўйича):

• Бухоро вилояти — 107,3 балл;
• Тошкент шаҳри — 105,2 балл;
• Фарғона вилояти — 104,1 балл;
• Наманган вилояти — 101,2 балл;
• Хоразм вилояти — 100,0 балл.