Футбол бўйича U-23 Осиё Кубоги саралаш босқичи доирасида Ўзбекистон ОТЖ 6 сентябрь, чоршанба куни Афғонистонга қарши баҳс олиб борди.
Учрашувнинг 12-дақиқасида Жасурбек Жалолиддинов жарима зарбасидан ҳисобни очди. 36-дақиқада Алибек Давронов ўзбекистонликларнинг иккинчи голига муаллифлик қилди. Биринчи бўлим якунига бир неча дақиқа қолганда Умид Мусави гол уриб, ҳисобни қисқартирди.
Иккинчи бўлим бошидаёқ Тимур Кападзе шогирдлари дарвозани ишғол этди. Бу сафар Ҳусайн Норчаев ўз номига гол ёздириб қўйди. 53-дақиқада эса Норчаев дублни расмийлаштирди. Орадан бир дақиқа ўтиб, Жасурбек Жалолиддинов ҳам учрашувдаги иккинчи голини урди.
Ўзбекистонликлар сўнгги дақиқаларда яна 3 та гол уришга муваффақ бўлди. Ҳусайн Норчаев, Алишер Одилов ва Муҳаммадқодир Ҳамролиевлар ўз ҳисобларига гол ёздириб қўйди. Тимур Кападзе жамоаси шу тариқа 8:1 ҳисобида ғалаба қозонди.
Саралаш босқичининг иккинчи ўйинида Эрон Гонгконг устидан 3:0 ҳисобида зафар қучди.
Осиё Кубоги саралаши
6 сентябрь, чоршанба
Ўзбекистон U-23 – Афғонистон U-23 8:1
Голлар: 1:0 — 12 Жасурбек Жалолиддинов, 2:0 — 36 Алибек Давронов, 2:1 — 42 Умид Мусави, 3:1 — 47 Ҳусайн Норчаев, 4:1 — 53 Ҳусайн Норчаев, 5:1 — 54 Жасурбек Жалолиддинов, 6:1 — 87 Ҳусайн Норчаев, 7:1 — 88 Алишер Одилов, 8:1 — 90+1 Муҳаммадқодир Ҳамролиев.
Изоҳ (0)