“Манчестер Юнайтед” клуби Антони атрофидаги воқеалар бўйича баёнот берди.
“Манчестер Юнайтед” Антонига қўйилган айбловларни эътиборга олди ва полиция тергов олиб бораётганидан хабардор. Қўшимча маълумотлар олинмагунча, бошқа изоҳ берилмайди.
Раҳбарият ушбу айбловларни ҳисобга олиб, бу масалага жиддий ёндашади.
“Манчестер Юнайтед” баёноти
Жорий йилнинг июнь ойида Антонининг собиқ севгилиси Габриэла Каваллин Сан-Паулу полициясига мурожаат қилиб, футболчини жисмоний тажовуз, зўравонлик, таҳдидлар ва жароҳатлар етказганликда айблаганди.
Каваллин Бразилиянинг UOL сайтига берган интервьюсида, Антони билан суҳбатлари скриншоти ҳамда етказилган жароҳатларнинг суратларини кўрсатган. Ушбу суратлар иш бўйича далил сифатида киритилган ва полиция бу бўйича иш бошлаган. Жабрланувчи 2022 йил 1 июнь куни Бразилияда таътилда бўлган вақтда Антони унинг ҳомиладорлигига қарамасдан жароҳат етказганини таъкидлаган.
Ушбу вазият туфайли Антони Бразилия терма жамоасининг сентябрь ойидаги ўйинларидан четлатилди. Унинг ўрнини “Арсенал” футболчиси Габриэль Жезус эгаллаган.
Изоҳ (0)