Бу машҳурлар энг қиммат машина ва пуллик автотураргоҳларни бир зумда сотиб олишлари мумкин. Аммо улар машина ҳайдашни хоҳлашмайди. Нега?
Кристина Агилера
Тунда машина бошқариш Кристина Агилеранинг ёшлигидаги севимли машғулотларидан бири бўлган. Аммо Лос-Анжелесга кўчиб ўтиш билан ҳаммаси ўзгаради. Бу ердаги тирбандлик шу қадар кўпки, қўшиқчи машина ҳайдашдан воз кечади. Ҳар доим шошаётган ҳайдовчилар туфайли унга нимадир бўлиши эҳтимоли катта эди.
“Ҳозирда машина ҳайдамайман. Ҳайдовчилик гувоҳномам бор — уни 21 ёшимда олганман. Лекин Лос-Анжелесдаги тирбандликлардан даҳшатга тушаман”, — дейди у.
Эд Ширан
Эд Ширан ҳам ҳайдовчилик гувоҳномасига, ҳам спорт автомобилларининг бутун коллекциясига эга, лекин у камдан-кам ҳолларда машина ҳайдайди. Маълум бўлишича, мусиқачи тезликдан жуда қўрқади. Қолаверса, у пойга машиналари рулида аҳмоқдек кўринишни хоҳламайди – унинг қиёфаси бундай машиналарга тўғри келмайди, деб ҳисоблайди.
Cardi B
Машиналарни ҳайдамасдан ҳам севиш мумкинлигини Cardi B исботлаб берган: хонанда бутун бошли машиналар паркига эга, аммо у ҳайдашни ўрганиш ниятида эмас. Унга замонавий машиналар фақат чиройли кадрлар учун керак. Уни ҳар доим сҳахсий ҳайдовчиси ёки севимли эри олиб юриши мумкин бўлганда, автомобиль бошқаришнинг ҳожати ҳам йўқ.
Роберт Паттинсон
Маълум бўлишича, Роберт Паттинсоннинг отаси автомобиль сотувчиси бўлиб ишлайди ва машиналарни моҳирлик билан бошқаради. Актёрнинг ўзи бу масалада отасичалик эмас: унинг гувоҳномаси бор, ҳатто машина ҳам сотиб олган. Бироқ машина бошқаришнинг биринчи тажрибаси шунчалик омадсиз бўладики, юлдуз қайтиб рулга ўтирмоқчи эмас.
Дэниэл Редклифф
2008 йилда Дэниэл Редклифф диспракциядан азият чекишини тан олади. Ушбу касалликда ҳаракатларни мувофиқлаштириш бузилади. Одам оддий нарсаларни бажаролмайди: тишларини ювишдан тортиб, пойабзал боғичларини боғлашгача. Шунинг учун актёр машина ҳайдашдан воз кечишга қарор қилади. Ҳайдовчилик гувоҳномаси бор бўлса ҳам у учун хавфсизлик энг муҳим нарса.
Жастин Бибер
Аммо Жастин Бибер шунчаки ҳайдовчилик гувоҳномасини ололмаган. Инструкторининг сўзларига кўра, мусиқачи рулда ўта эмоционал бўлган ва тажрибали ҳайдовчилар ундан ўтиб кетган пайтда ғазабини зўрға босиб ўтирган. Натижада хонанда машғулотларни тўхтатишга қарор қилади ва ҳозирда шахсий ҳайдовчи хизматидан фойдаланади.
Изоҳ (0)