Болливуд юлдузлари ҳам қимматбаҳо нарсаларни харид қилишни яхши кўради. Бироқ уларнинг аксарияти саховатпеша инсонлар, ўзлари учун қимматбаҳо нарсаларни харид қилмаган машҳурлар яқинлари учун қиммат нархларда совға сотиб олишади. Қуйида яқинларига уй совға қилган Болливуд юлдузлари ҳақида маълумот берилади.
Кангана Ранаут
Кангана Ранаут ҳар доим оиласини биринчи ўринга қўяди. Актриса синглиси Ранголи Чандел, акаси Акшат ва икки амакиваччаси учун 48 минг 200 долларга мулк сотиб олган.
“Мен инсонларни ўз бойликларини оиласи билан бўлишишга ундамоқчиман. Унутманг, бахт баҳам кўрилганда кўпаяди. Бу қурилаётган чиройли ва ҳашаматли уйлар 2023 йилгача тайёр бўлади, оилам учун бу ишни қила олганимдан жуда бахтиёрман”, — дейди актриса.
Тайгер Шрофф
Тайгер Шрофф яқинда онаси Аиша учун янги уйга сармоя киритди. Ҳозирда бутун оила аъзолари янги уйга кўчиб ўтган. Ҳинд актёри Жеки Шрофф интервьюсида Тайгер Болливудга кириб келганидан кейин онаси Аиша учун уй сотиб олиш унинг орзусига айланганини ва ўз мақсади сари ҳаракат қилганини айтган.
Дипика Падуконе
Дипика ҳаётидаги энг катта аҳамиятга эга бўлган инсон — отаси Пракаш Падуконега қиймати 16 миллион долларлик квартирани совға қилган. Тўрт хонали ҳашаматли квартира Дипиканинг ўзи яшайдиган кўп қаватли уйнинг 30-қаватида жойлашган. Дипика оила аъзолари билан янада яқинроқ бўлиш учун уй сотиб олишга қарор қилган, унинг яқинлари ҳар сафар Мумбайга келганида актрисага яқин жойда яшайди.
Алия Бҳатт
Алия Бҳатт интервьюларининг бирида Лондонда уйи бўлишини исташи, бироқ бу уйни ўзига эмас, онаси Sonyа Раздан учун сотиб олиш нияти борлиги ҳақида гапириб берган. Актрисанинг айтишича, Соня Британия пойтахтини яхши кўради. Актриса 2018 йилда Лондоннинг Ковент боғида жойлашган кўчмас мулкни сотиб олган, бу ҳашаматли уйдан ҳозирда Алиянинг ўша ерда яшовчи синглиси Шахин фойдаланмоқда.
Изоҳ (0)