“Фуқароларни рўйхатга қўйиш тартибини такомиллаштириш муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида”ги Вазирлар Маҳкамаси қарори қабул қилинди, деб хабар беради Норма.
![](/static/2023/05/Fozilbek/photo_2023-08-03_11-08-14.jpg)
Ҳужжат билан қуйидагиларга ўзгартиришлар киритилмоқда:
- Бино ва иншоотларнинг ихтисослашишини ўзгартириш, қайта қуриш, реконструкция қилиш ҳамда ўз ҳудудида қўшимча бино ва иншоотлар қуришни лойиҳалаштиришга рухсатнома бериш бўйича давлат хизматлари кўрсатишнинг маъмурий регламентига;
- Кўчмас мулкка бўлган ҳуқуқларни давлат рўйхатидан ўтказиш бўйича давлат хизматлари кўрсатишнинг маъмурий регламентига.
Ўзгартиришларга мувофиқ:
- турар жойни нотурар жой тоифасига ўтказилаётган у ерда вақтинчалик ёки доимий рўйхатдан ўтказилган барча шахслар мазкур жой кадастр органларида қайта расмийлаштирилгунига қадар рўйхатдан чиқарилишлари лозим;
- фуқаролар рўйхатдан чиқарилганликлари ҳақида маълумот “Рақамли ҳукумат” платформаси орқали текширилади;
- объектнинг ихтисослашишини ўзгартириш бўйича рухсатномага ўзгартирилган объектга бириктирилган ер участкасининг чегара схемаси илова қилинади.
Ҳужжат Қонун ҳужжатлари маълумотлари миллий базасида эълон қилинган ва 2023 йил 4 сентябрдан кучга кирди.
Бундан олдин Тошкент вилоятида 4 176 та кўчмас мулк манзили ўзгаргани, Тошкент вилоятида президент совғаси сифатида берилган уй бошқа шахсга расмийлаштирилгани, Ўзбекистонда 3 минг гектар ер ўзбошимчалик билан эгаллаб олингани тўғрисида хабар берилганди.