“Ўзбекистон Республикаси Ҳукуматининг айрим қарорларига кўчмас мулк тарихи маълумотларини тақдим этиш бўйича давлат хизматини кўрсатишни йўлга қўйишга йўналтирилган ўзгартириш ва қўшимчалар киритиш тўғрисида”ги Вазирлар Маҳкамаси қарори қабул қилинди.
Ҳужжат билан кўчмас мулк тарихи маълумотларини тақдим этиш бўйича давлат хизматини кўрсатишнинг маъмурий регламенти тасдиқланмоқда.
Давлат хизматидан қуйидаги усуллар орқали фойдаланиш мумкин:
- ДХМга ташриф буюрган ҳолда;
- ЯИДХП ёрдамида;
- davreestr.uz. орқали.
Бунда кўчмас мулкнинг кадастр рақамини акс эттирган ҳолда сўровнома тўлдириб, БҲМнинг 0,5 бараварини тўлаш лозим. Натижалар қуйидаги шаклдаги маълумотнома тарзида 3 иш кунида тақдим этилади.
Маълумотномада:
- кўчмас мулкка нисбатан амалдаги ва олдинги ҳуқуқлар (қурилган йили, майдон квадратурасидаги ўзгартиришлар);
- давлат рўйхатидан ўтказилган сана;
- ҳуқуқни белгиловчи ҳужжат тури, уни берган орган ва ҳужжат берилган сана.
Ҳужжат Қонун ҳужжатлари маълумотлари миллий базасида эълон қилинган ва 15 августдан кучга кирган.
Бундан олдин Тошкент вилоятида 4 176 та кўчмас мулк манзили ўзгаргани, Тошкент вилоятида президент совғаси сифатида берилган уй бошқа шахсга расмийлаштирилгани, Ўзбекистонда 3 минг гектар ер ўзбошимчалик билан эгаллаб олингани тўғрисида хабар берилганди.
Изоҳ (0)