Бўғимлардаги оғриқ артрит хавфидан огоҳлантиради. Бироқ артритнинг бошланаётганидан дарак берувчи бошқа бир қанча аломатлар ҳам мавжуд. Соғлиқ билан боғлиқ муаммоларининг айрим белгилари артритга мутлақо алоқаси йўқдек туюлиши мумкин, аммо агар сиз уларни сезсангиз, дарҳол бўғимларингизни текшириб кўринг, чунки улар артрид хавфидан огоҳлантиради.
Кўзларнинг қичишиши ва қуриб қолиши
Ревматоид артрит билан оғриган беморлар орасида кўз қуриб қолиши синдроми ёки қуруқ кератоконюнктивит каби кўз касалликлари жуда кенг тарқалган. Қизиғи шундаки, кўз қуриб қолиши эркакларга қараганда аёлларда тез-тез учрайди. Агар бу сизни ташвишлантирса, даволаниш борасида маслаҳат олиш учун биринчи навбатда офталмолог билан боғланинг.
Кўкаришлар
Ревматоид артрит қондаги тромбоцитлар сонининг нормал даражадан пастга тушишига олиб келиши мумкин. Бу терининг кўкариш тенденциясини оширади. Ревматоид артритни даволашда ишлатиладиган баъзи дорилар бир хил таъсирга эга. Бунинг сабабини қон тестини ўтказиш орқали билиб олишингиз мумкин.
Теридаги тошмалар
Артрит ҳатто терининг ҳолатига ҳам таъсир қилиши мумкин. Беморларда ревматоид тугунлар, шунингдек, қўл ва оёқларда қичишиш ва тошмалар пайдо бўлиши мумкин. Шунингдек оғиз бўшлиғидаги яралар васкулит деб аталадиган жиддий артрит билан боғлиқ касалликнинг белгилари бўлиши мумкин.
Тўпиқ ва оёқлардаги оғриқ
Ревматоид артрит тўпиқ ва оёқларда оғриқ, бўғимларнинг яллиғланиши, қизариш ва шишиш каби муаммоларга олиб келиши мумкин. Буларнинг барчасини дори-дармонлар, физиотерапия, махсус пойабзал , ортезлардан фойдаланиш ёки ўта оғир ҳолатларда жарроҳлик йўли билан даволаш мумкин.
Кўкракдаги қаттиқ оғриқ
Ревматоид артритда кўкрак оғриғи юрак-қон томир тизими ва юрак касалликлари билан боғлиқ эмас. Ёқимсиз туйғулар қовурғаларни кўкрак қафаси билан боғлайдиган интеркостал бўғимларнинг яллиғланишидан келиб чиқади.
Бу оғриқ одатда ўз-ўзидан ўтиб кетади, бироқ у бир неча ҳафта ёки ундан кўпроқ давом этиши мумкин. Симптомларни бартараф этиш учун компресслардан фойдаланишингиз, физиотерапия усулларини қўллашингиз мумкин. Кўкрак қафаси ҳудудида стрессни келтириб чиқарадиган ва оғриқни кучайтирадиган жисмоний фаолият ёки ҳаракатлардан қочиш керак.
Агар бу усулларни бажарганингиздан кейин ҳам аҳволингиз яхшиланмаса, шифокор бўғимдаги яллиғланишни бартараф этиш учун кортикостероид инексияларни таклиф қилиши мумкин.
Умумий заифлик, чарчоқ
Сурункали касаллик темир танқислиги анимеясидан кейин иккинчи ўринда туради. Темир танқислиги анемиясида бўлгани каби, бу ҳолатда қондаги темир даражаси ҳам паст бўлади, шунинг учун заифлик пайдо бўлади. Бироқ танадаги темир заҳиралари нормал ёки юқори даражада бўлса ҳам, у паст бўлиб қолади. Заифликнинг сабабини аниқлаш учун биринчи навбатда тўлиқ қон тестини ўтказиш мақсадга мувофиқ.
Изоҳ (0)