Тиззаларнинг оғриши, оғриқнинг аста-секин кучайиб бориши юзага келаётгани артрит белгилари бўлиши мумкин. “Новый очаг” нашри артрит белгилари ҳақида маълумот берди.
.jpg)
Ҳаракат пайтида тиззадан овоз чиқиши
Ҳаракатланиш пайтида тиззангиздан ғирчиллаш ва шунга ўхшаган турли хил товушлар чиқаётганини эшицангиз, артрит ҳақида ташвишланиш вақти келди. Бу товушлар бўғимнинг махсус суюқлик билан ҳимояланмаганлиги ва бир-бирига ишқаланиши белгиси бўлиши мумкин, вақт ўтиши билан бу бўғимнинг емирилишига ва жиддий шикастланишига олиб келиши мумкин.
Оғриқнинг аста-секин кучайиши
Тиззалардаги оғриқ ҳам артрит белгиси ҳисобланади, бундай ҳолатда оғриқнинг аста-секин кучайиб боришига эътибор бериш керак. Аввалига оғриқни фақат эрталаб ёки уйғонганингиздан сўнг ҳис қилишингиз мумкин, бироқ вақт ўтиши билан бу тез-тез ва узоқ давом этиши мумкин. Оғриқ қолишини кутманг, шифокорингизга мурожаат қилинг ва чора кўринг.
Ҳаракат пайтида оғриқнинг кучайиши
Артритдаги оғриқлар ҳаракат давомида кучайиши мумкин, бу ҳолатда шифокорлар ҳаракатни чекламасликни маслаҳат беради, бунинг ўрнига, сузиш ёки юриш каби юмшоқ машқлар бўғимларда суюқлик айланишини яхшилаш ва яллиғланишни камайтириш орқали бўғимнинг ишлашига ёрдам беради. Шунинг учун, агар машқ пайтида оғриқ сезсангиз, шифокор билан маслаҳатлашинг, бироқ ҳаракатни тўхтатманг.
Шишган ёки деформацияланган тиззалар
Тиззадаги яллиғланиш жарайони енгил шишни пайдо қилиши мумкин, бу яллиғланиш ёки суюқлик тўпланишидан дарак беради. Одатда, шиш жуда катта бўлмайди, бироқ уни пайқаш қийин эмас. Тиззангизнинг ўлчами ёки шаклидаги ҳар қандай ўзгаришларга эътибор беринг ва деформациянинг биринчи белгисида шифокорга мурожаат қилишни унутманг.
Ёғингарчилик пайтида оғриқ пайдо бўлиши
Артрит ҳақиқатан ҳам барометр бўлиши мумкин: артрит билан оғриган беморларнинг тахминан 70 фоизи нам ва ёмғирли ҳавода кўпроқ оғриқни ҳис қилишини айтади. Тадқиқотчилар ҳали бу ҳодисалар ўртасидаги боғлиқликни аниқлай олмаган, бироқ ёмғир ёғишидан бир кун олдин ёки ёмғир пайтида ёмонлашадиган тизза оғриғи артрит ривожланишининг аломати бўлиши мумкинлигини тасдиқлашган.
Изоҳ (0)