КХДР 2 сентябрь куни Сариқ денгиз томон бир нечта қанотли ракеталар учирди. Бу ҳақда Жанубий Корея штаб бошлиқлари бирлашган қўмитаси хабар берди.
Жанубий Корея ҳарбийларига кўра, бу маҳаллий вақт билан шанба куни эрталаб соат 04:00 лар атрофида содир бўлган. Сеул АҚШ билан биргаликда Шимолий Корея ракеталарини учириш тафсилотларини таҳлил қилаётганини маълум қилди.
“Ҳарбийларимиз мониторинг ўтказмоқда ва огоҳликни оширди, Қўшма Штатлар билан ҳамкорликда тўлиқ шай ҳолатни эгаллаган”, — дейилади хабарда
31 август куни Шимолий Корея расмийлари бутун Жанубий Кореядаги нишонларга ядро каллаклари билан ракета зарбалари бериш бўйича машғулот ўтказилганини эълон қилди. Пхеньян буни Б-1Б стратегик бомбардимончи самолётлари иштирок этган Жанубий Корея ва АҚШ армияларининг 11 кунлик қўшма ҳарбий машғулотларига жавоб деб атаган. Бу ҳаракатлар КХДР томонидан “ АҚШ томонидан профилактик ядровий зарба бериш режаларига тенг қадам” сифатида баҳоланган.
The New York Times газетасининг ёзишича, Москва КХДР билан алоқаларни фаол равишда мустаҳкамламоқда. Шу тариқа, 2022 йилда Россия Украинага қарши урушда фойдаланиш учун Шимолий Кореядан қисқа масофали ракеталар ва артиллерия снарядларини сотиб олишни бошлаган. Шу билан бирга, Россия урушда техника ва ўқ-дориларни йўқотгани ҳамда Ғарб санкциялари туфайли КХДР каби давлатлардан ёрдам сўрашга тобора кўпроқ мажбур бўляпти, деб таъкидлаган АҚШ Молия вазирлиги.
Изоҳ (0)