Владимир Зеленский офиси раҳбари маслаҳатчиси Михаил Подоляк Reuters агентлигига берган интервьюсида Россия Федерацияси ҳудудига дронлар ҳужумлари сони ортиб боришини айтди.
Подоляк, шунингдек, ҳозирча Россия билан тинчлик музокаралари ўтказиш имкониятини рад этиб, ҳар қандай музокаралар Украина томонидан “таслим бўлиш”ни англатишини айтди.
“Россия Федерацияси ҳудудидан учирилган дронлар ҳужумлари сони ортиб бормоқда ва бу ҳужумлар сони янада кўпаяди... Чунки бу уруш босқичи... ҳарбий ҳаракатлар босқичма-босқич Россия Федерацияси ҳудудига ўтади”, — деди Подоляк.
Аввалроқ Зеленский “уруш Россия ҳудудига кўчиши керакми?” деган саволга жавоб берар экан, Украина можароси Россия Федерацияси ҳудудига ўтмаслиги кераклиги, чунки Украина “якка қолиб кетиши” хавфи борлигини айтди.
Ўз навбатида Украина Мудофаа вазирлигининг бош разведка бошқармаси бошлиғи Кирилл Буданов жума куни Зеленскийнинг можаро Россия ҳудудига ўтмаслиги кераклиги ҳақидаги фикрига қўшилмаслигини айтди.
Украина 30 августга ўтар кечаси Россиянинг бир қатор ҳудудларида дронлар ёрдамида йирик ҳужумлар уюштирди, хусусан, Псков аэропорти ҳужумга учради, деб хабар берди Россия Мудофаа вазирлиги.
Изоҳ (0)