Uzbekistan Airways'нинг учта самолёти Домодедово халқаро аэропорти ҳаво ҳудуди ёпилгани сабабли Москвага қўна олмади. Бу ҳақда авиакомпания матбуот хизмати хабар берди.
![](/static/2023/08/23/nigora_aliyeva/samolyotlar.jpg)
Самолётларнинг иккитаси Тошкентдан, яна бири Урганчдан Москвага учган бўлиб, улар қуйидаги захирадаги аэропортларга йўналтирилган:
- HY611 рейси Самара халқаро аэропортига;
- HY9615 рейси Қозон халқаро аэропортига;
- HY9613 рейси эса Санкт-Петербург халқаро аэропортига.
Авиакомпания келтирилган ноқулайликлар учун узр сўраган. Домодедово халқаро аэропорти ҳаво ҳудуди нима сабабдан ёпилганига аниқлик киритилмаган.