Туркия президенти Ражаб Тоййиб Эрдўғон ва Россия президенти Владимир Путин ўртасидаги учрашув дон келишувини тиклаш учун охирги имконият. Бу ҳақда Украина ташқи ишлар вазири Дмитрий Кулеба хабар берди.
Кулебанинг сўзларига кўра, икки сиёсатчининг учрашуви Украина донини Африка ва Осиё мамлакатларига етказиб беришга мўлжалланган Қора денгиз дон ташаббусини тиклашда деярли охирги имконият бўлади. Дипломат сентябрь дон ташаббуси ва тинчлик формуласи учун жуда муҳим ой бўлишини таъкидлади.
“Биламизки, президент Эрдўғон ва Путин ўртасида учрашув бўлиб ўтади. Аслида, бу Россиянинг Қора денгиз дон ташаббусига қайтишини аниқлаш учун деярли охирги имконият”, — деди Кулеба.
Шу билан бирга, вазир кемалар Украина портларидан чиқиб, дарҳол Руминия ҳудудий сувларига кирадиган муқобил денгиз йўли ривожланаётганини айтди. Ушбу йўлакдан аллақачон иккита кема ўтган.
“Шунинг учун, кемалар Украина ҳудудий сувларида бўлганида, ушбу дон йўлаги хавфсизлигини таъминлашга қандай ёрдам бериш мумкинлиги ҳақида ўйлаб кўринг”, — деди Кулеба Европа Иттифоқига аъзо давлатлар ташқи ишлар вазирларининг норасмий учрашувида.
Шу муносабат билан у Украинани ҳаво ҳужумидан мудофаа тизимлари билан таъминлаш муҳимлигини таъкидлади.
Изоҳ (0)