Хитой ҳукумати янги турмуш қурганларга тўй вақтида келин 25 ёшга тўлмаган бўлса, нақд пул тўлашга қарор қилди. Бу чора Хитойда сўнгги 60 йил ичида биринчи марта аҳоли сони қисқараётганидан келиб чиқиб қабул қилинди.
Ҳозирча бу янгилик фақат Чангшан округи (Шарқий Хитой) маъмурияти томонидан амалга оширилмоқда. Агар келин 25 ёшга тўлмаган бўлса, янги турмуш қурганларга минг юан (137 доллар) бериш йўлга қўйилмоқда.
Бундан ташқари, ҳукумат биринчи фарзанд учун субсидия тўлайди ва ота-оналарнинг таълим харажатларини қоплаб беради. ХХР раҳбарияти пул ёрдамида эр-хотинларни тезроқ оила қуриш ва фарзанд кўришга ундашга ҳаракат қилмоқда.
Хитойда никоҳ учун эркаклар энг ками 22 ёш, аёллар эса 20 ёш бўлиши керак. Бироқ сўнгги йилларда хитойлик ёшлар оила қуришга шошилишмаяпти. Кўпчилик хитойликлар оила қургандан сўнг карьера қура олмасликдан қўрқишмоқда, деб ёзади Тhе Guardian.
Изоҳ (0)