Бирлашган Миллатлар Ташкилотининг Инсон ҳуқуқлари бўйича Олий комиссари бошқармаси маълумотларига кўра, 2022 йил 24 февралдан бери Украинада ҳарбий ҳаракатлар натижасида 9511 киши ҳалок бўлган. Яна 17 206 киши жароҳат олган.
Ҳалок бўлганлар орасида 4405 нафар эркак, 2638 нафар аёл, 233 нафар қиз ва 287 нафар ўғил бола, шунингдек, жинси аниқланмаган 29 нафар бола ва 1919 нафар катталар бор.
Мазкур маълумотлар БМТ Инсон ҳуқуқлари бўйича Олий комиссари бошқармасининг 27 август ҳолатига кўра ҳисоб-китоблари асосида эълон қилинди.
Бирлашган Миллатлар Ташкилотининг Украинадаги Инсон ҳуқуқлари мониторинги миссиясининг 7 июлдаги маълумотларига кўра, 2022 йилнинг 24 февралидан буён Украинадаги урушда 9 000 нафардан ортиқ тинч аҳоли вакиллари ҳалок бўлгани маълум қилинганди. Шунингдек, ҳалок бўлганлардан 500 нафардан ортиғини вояга етмаганлар ташкил қилиши айтиб ўтилган.
Изоҳ (0)