Украина Хавфсизлик хизмати (“СБУ”) полковниги ўз кабинетида ўлик ҳолда топилди. Бу ҳақда “Украинская правда” хабар берди.
“СБУ” ҳалок бўлган ходимнинг оила аъзолари ва яқинларига ҳамдардлик билдирган.
Украина Хавфсизлик хизмати ходимининг ўлими ҳолатлари Украина Миллий полицияси терговчилари томонидан тергов қилинаётган жиноий иш доирасида ўрганилмоқда, — дейилади хабарда.
Полковник бошидан ўқ жароҳати олиши оқибатида ҳалок бўлгани айтилмоқда.
Марҳумнинг ёнида хизмат қуроли — Макаров тўппончаси топилган.
“Страна” нашри ҳуқуқ-тартибот идораларидаги манбаларига таяниб, марҳум полковник ўз кабинетида “СБУ” бошлиғи Василий Малюк номига ўз жонига қасд қилгани тўғрисида хат қолдирганини ёзган. Марҳумнинг шахсига аниқлик киритилмаган.
Изоҳ (0)