2023 йилнинг кузида Apple компанияси иккита тақдимот ўтказади. Унда янги iPhone, соатлар ва янги компьютерларни намойиш этилади. Бу ҳақда Bloomberg журналисти Марк Гурман хабар берди.
Сентябрдаги тақдимотнинг энг ёрқин жиҳати, албатта, iPhone 15 бўлиши керак. Асосий янгилик Lightning улагичидан USB-C портига ўтиш бўлади. Мутлақо янги Ultra модели ҳам бўлиши кутилмоқда, у ултразоом линзасини олади ва тарихдаги энг қиммат iPhone бўлади.
Бошқа янгиликлар иккинчи авлод Watch Series 9 ва Watch Ultra ақлли соатлари бўлади. Бюджетли Watch SЕ 3 кейинги йил кузда чиқарилади. Ушбу тақдимот 12 сентябрь куни олдиндан ёзиб олинган онлайн трансляция форматида бўлиб ўтади.
Иккинчи тақдимот
Октябрь ойи охирида Apple яна бир анонсни режалаштирмоқда —хусусий Apple М3 чиплари асосидаги биринчи Mac компьютерлари. Потенциал янги маҳсулотлар қаторида iMac 24, MacBook Air 13 ва MacBook Pro 13 ҳам тилга олинади. Аммо уларга алоҳида тақдимот бағишланадими ёки Apple шунчаки пресс-релизларни чоп этадими, номаълум.
Шунингдек, 2023 йил охиригача AirPods Pro’нинг учинчи авлоди ва уй учун янги ақлли қурилмалар эълон қилиниши мумкин.
Изоҳ (0)