Украина мудофаа кучлари Запорожье вилоятидаги Работино қишлоғини тўлиқ озод қилди. Бу ҳақда мудофаа вазири ўринбосари Анна Малярга таяниб, “Украинская правда” хабар берди.
“Жанубда ҳужумни давом эттирмоқдамиз. Бу бизнинг асосий ҳужум йўналишимиз ҳисобланади. Душман Запорожье ва Херсон вилоятларида мудофаа ҳолатида. Работино озод қилинди ва бизнинг қўшинларимиз Работинодан жануби-шарқга ва Малая Токмачка жанубига қараб ҳаракатланмоқда”, — деди мудофаа вазири ўринбосари.
Малярнинг аниқлик киритишича, гап Новоданиловка ва Новопрокоповка, шунингдек, Малая Токмачка ва Очеретоватй йўналишлари ҳақида кетмоқда.
“Бу бизнинг кучларимиз душманнинг шиддатли қаршилигига қарамай, ҳозир олдинга силжиётган йўналишдир”, — деди у.
Шунингдек, Маляр Украина қўшинлари ўтган ҳафта Бахмут йўналишида 1 квадрат километрни озод қилганини қўшимча қилди.
“Бахмутнинг жанубий қанотида биз олдинга боряпмиз ва ўтган ҳафта у ерда яна бир квадрат километр озод қилинди ва аллақачон умумий озод қилинган ҳудуд 44 квадрат километрни ташкил этади”, — деди Украина Мудофаа вазирлиги расмийси.
Изоҳ (0)