Ўзбекистоннинг қатор вилоятларида зилзила қайд этилди

Ўзбекистоннинг қатор вилоятлари ҳудудида 28 август куни зилзила содир бўлди, деб хабар беради ФВВ Сейсмопрогностик мониторинг маркази.

Маълум қилинишича, Тошкент вақти билан 09:35 да Афғонистонда зилзила содир бўлган. Зилзила координаталари: 36,47 градус шимолий кенглик; 70,15 градус шарқий узунлик. Магнитуда — 5,4 балл. Чуқурлик 200 километр. Зилзила эпицентри Тошкентдан 539 километр жануби-шарқда.

Ўзбекистон ҳудудида сезилиш кучи:

• Сурхондарё вилоятида — 3 балл,
• Самарқанд вилоятида — 2-3 балл,
• Жиззах вилоятида — 2-3 балл,
• Фарғона вилоятида — 2-3 балл,
• Сирдарё вилоятида — 2-3 балл,
• Қашқадарё вилоятида —2-3 балл,
• Андижон вилоятида — 2 балл,
• Наманган вилоятида — 2 балл,
• Тошкент шаҳрида — 2 балл.

26 август куни Жиззах, 27 августда эса Андижон вилоятида ерости силкинишлари қайд этилганди.