АПЛ. “Манчестер Юнайтед” камбекни амалга оширди, “Арсенал” эса ғалабани қўлдан чиқарди, “Тоттенҳэм” сафарда ишончли ғалабага эришди (видео)

Футбол бўйича Англия Премьер Лигасининг 3-туридан ўрин олган қатор ўйинлар 26 август, шанба куни бўлиб ўтди.

“Манчестер Юнайтед” “Олд Траффорд”да “Ноттингем Форест”ни қабул қилди. Учрашувнинг илк 5 дақиқасида меҳмонлар иккита гол урди. Дастлаб, 2-дақиқада Авонийи ҳисобни очган бўлса, 4-дақиқада Боли ўз номига гол ёздириб қўйди. 17-дақиқада Кристиан Эриксен ҳисобни қисқартирди. Биринчи бўлимда “Ноттингем Форест” устунлиги билан якунланди. 

Иккинчи бўлимда Каземиро мувозанатни тиклади. 76-дақиқада эса Бруну Фернандеш пенальтидан унумли фойдаланиб, манкунианликларнинг иродали ғалабасини таъминлади. 

“Арсенал” эса “Фулҳэм”га қарши баҳс олиб борди ва 2:2 ҳисобида дуранг қайд этди. “Канонирлар” сафида Сака ва Нкетиа гол урган бўлса, “Фулҳэм” таркибида Перейра ва Палиня гол муаллифларига айланди. 

“Тоттенҳэм” сафарда “Борнмут” меҳмони бўлди ва 2:0 ҳисобида зафар қучди. 17-дақиқада Мэддисон ва 63-дақиқада Кулусевски гол муаллифларига айланди. 

26 август кунги баҳслардан сўнг турнир жадвали қуйидагича кўриниш олди:

АПЛ

3-тур

26 август, шанба

“Манчестер Юнайтед” — “Ноттингем Форест” 3:2

Голлар: 0:1 – 2 Авонийи, 0:2 – 4 Боли, 1:2 – 17 Эриксен, 2:2 – 52 Каземиро, 3:2 – 76 Бруну Фернандеш (пенальти).

“Манчестер Юнайтед”: Онана, Уан-Биссака, Варан (Линделеф, 46), Мартинес, Диогу Далот, Эриксен, Каземиро, Бруну Фернандеш, Антони (Мактоминей, 85), Марсял (Санчо, 60), Рэшфорд.

“Ноттингем Форест”: Тернер, Оре, Боли, Маккенна (Ниакате, 57), Уоррелл, Айна, Ейц, Гиббс-Уайт, Данило (Эланга, 81), Жонсон (Куяте, 70), Авонийи (Вуд, 81).

Огоҳлантиришлар: Оре (44), Гиббс-Уайт (45), Уан-Биссака (58), Айна (62), Рэшфорд (82), Онана (89), Бруну Фернандеш (90), Куяте (90).

Четлатиш: Уоррелл (67).

“Арсенал” — “Фулҳэм” 2:2

Голлар: 0:1 – 1 Перейра, 1:1 – 70 Сака (пенальти), 2:1 – 72 Нкетиа, 2:2 – 87 Палиня.

“Арсенал”: Рэмсдейл, Уайт, Салиба, Кивер, Эдегор (Жоржиньо, 84), Райс (Габриэль Жезус, 90), Ҳаверц (Фабиу Виэйра, 56), Парти (Зинченко, 56), Сака, Троссард (Нкетиа, 46), Мартинелли.

“Фулҳэм”: Лено, Тете, Диоп, Басси, Робинсон, Перейра (Керни, 63), Лукич (Рид, 70), Палиня, Уилсон (Траоре, 71), Декордова-Рид (Адарабиоё, 89), Хименес.

Огоҳлантиришлар: Хименес (19), Басси (50), Лукич (66), Родак (74), Артета (80), Тете (90).

Четлатиш: Басси (83).

“Борнмут” — “Тоттенҳэм” 0:2

Голлар: 0:1 – 17 Мэддисон, 0:2 – 63 Кулусевски.

“Борнмут”: Нето, Ааронс, Келли, Забарний, Керкез, Кристи (Траоре, 60), Ротуэлл (Кук, 46), Биллинг (Мур, 86), Клюйверт (Энтони, 60), Соланке, Семено (Брукс, 73).

“Тоттенҳэм”: Викарио, Порро, Ромеро, ван де Вен, Удожи (Дэвис, 82), Мэддисон (Скипп, 73), Биссума (Ло Чельсо, 74), Кулусевски, Сарр (Перишич, 59), Сон Ҳён Мин, Ришарлисон (Ҳёйберг, 60).

Огоҳлантиришлар: Келли (45), Биссума (53), Ришарлисон (54), Перишич (71).