Тошкентнинг тўрт тумани ҳудудига 25 август куни табиий газ етказиб бериш вақтинча тўхтатилади. Бу ҳақда “Ҳудудгаз Пойтахт” матбуот хизмати хабар берди.
![](/static/2023/05/Fozilbek/photo_2021-11-10_13-02-44.jpg)
Маълум қилинишича, таъмирлаш ишлари туфайли 25 август куни соат 10:00 дан 26 август 09:00 гача Бектемир, Сергели ва Миробод туманларининг айрим ҳудудларига табиий газ етказиб бериш вақтинча тўхтатилади.
Бектемир тумани “Нурафшон” маҳалласи:
- Аҳоли хонадонлари сони — 430 та;
- Улгуржи истеъмолчилар сони — 105 та.
Сергели тумани “Эшонбулоқ”, “Садоқат” ва “Иззатли” маҳаллалари:
- Аҳоли хонадонлари сони — 1 080 та;
- Улгуржи истеъмолчилар сони — 38 та.
Миробод тумани — “Қўйлиқ ота”, “Баратхўжа”, “Парвона” маҳаллалари ва Қўйлиқ 2, 3, 4-даҳалари
- Аҳоли хонадонлари сони — 4 580 та;
- Улгуржи истеъмолчилар сони — 92 та.
Шунингдек, бугун соат 15:00 дан 18:00 гача Янгиҳаёт туманининг “Файзли” маҳалласига табиий газ етказиб бериш вақтинча тўхтатилади:
- Аҳоли хонадонлари сони – 78 та;
- Улгуржи истеъмолчилар сони – 2 та.
Юзага келаётган ноқулайликлар учун газ таъминоти филиали истеъмолчилардан узр сўрайди.
Бундан ташқари, 25 август куни куз-қиш мавсумига пухта тайёргарлик кўриш мақсадида пойтахтнинг айрим туманлари ҳудудида электр таъминоти вақтинча тўхтатилади:
- Миробод тумани: “Янги Миробод” МФЙнинг айрим кўчаларида соат 09:00 дан 17:00 гача;
- Яккасарой тумани: “Яккасарой” МФЙнинг айрим кўчаларида соат 09:00 дан 16:00 гача.
Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлиги айтилган.