Toshkentning to‘rtta tumani hududiga gaz, ikkitasida esa elektr ta’minoti vaqtincha to‘xtatiladi

Toshkentning to‘rt tumani hududiga 25-avgust kuni tabiiy gaz yetkazib berish vaqtincha to‘xtatiladi. Bu haqda “Hududgaz Poytaxt” matbuot xizmati xabar berdi.

Ma’lum qilinishicha, taʼmirlash ishlari tufayli 25-avgust kuni soat 10:00 dan 26-avgust 09:00 gacha Bektemir, Sergeli va Mirobod tumanlarining ayrim hududlariga tabiiy gaz yetkazib berish vaqtincha to‘xtatiladi.

Bektemir tumani “Nurafshon” mahallasi:

• Aholi xonadonlari soni — 430 ta;
• Ulgurji isteʼmolchilar soni — 105 ta.

Sergeli tumani “Eshonbuloq”, “Sadoqat” va “Izzatli” mahallalari:

• Aholi xonadonlari soni — 1 080 ta;
• Ulgurji isteʼmolchilar soni — 38 ta.

Mirobod tumani — “Qo‘yliq ota”, “Baratxo‘ja”, “Parvona” mahallalari va Qo‘yliq 2, 3, 4-dahalari

• Aholi xonadonlari soni — 4 580 ta;
• Ulgurji isteʼmolchilar soni — 92 ta.

Shuningdek, bugun soat 15:00 dan 18:00 gacha Yangihayot tumanining “Fayzli” mahallasiga tabiiy gaz yetkazib berish vaqtincha to‘xtatiladi:

• Aholi xonadonlari soni – 78 ta;
• Ulgurji isteʼmolchilar soni – 2 ta.

Yuzaga kelayotgan noqulayliklar uchun gaz taʼminoti filiali isteʼmolchilardan uzr so‘raydi.

Bundan tashqari, 25-avgust kuni kuz-qish mavsumiga puxta tayyorgarlik ko‘rish maqsadida poytaxtning ayrim tumanlari hududida elektr taʼminoti vaqtincha to‘xtatiladi:

• Mirobod tumani: “Yangi Mirobod” MFYning ayrim ko‘chalarida soat 09:00 dan 17:00 gacha;
• Yakkasaroy tumani: “Yakkasaroy” MFYning ayrim ko‘chalarida soat 09:00 dan 16:00 gacha.

O‘z navbatida, yuqoridagi hududlarda taʼmirlash ishlari belgilangan vaqtdan avvalroq yakunlanishi mumkinligi aytilgan.