Тошкент шаҳрининг Мирзо Улуғбек туманида 21 августдан бошлаб иссиқ сув 5 кунга ўчирилади. Бу ҳақда Veolia Energy компанияси ахборот хизмати хабар берди.
Маълум қилинишича, Veolia Energy Tashkent компанияси иситиш мавсумига тайёргарлик доирасида зулфинларни алмаштириш, 2-ИМнинг иккиламчи электр таъминоти тизимини текшириш ва созлаш, жиҳозларни демонтаж қилиш ва ўрнатиш, шунингдек, қозонхонага туташ магистрал тармоқлардаги ишларни амалга оширади. Кўпгина ишларни қозонхонани ўчирмасдан амалга ошириш имкони йўқлиги сабабли белгиланган муддатда Мирзо Улуғбек туманининг қуйидаги манзилларида иссиқ сув таъминоти бўлмайди:
- Қорасув 1, 2, 3, 4, 6, 2-Бўз ва Феруза даҳаларида;
- Дўрмон йўли, Мингбулоқ, Т.Малик, Сўфизода, Мирзо Улуғбек ва Шўртепа кўчаларида.
Иссиқ сув таъминоти 26 август, куннинг биринчи ярмида тикланади. Veolia Energy Tashkent МЧЖ ХК вақтинчалик ноқулайликлар учун олдиндан узр сўради ва режалаштирилган ишларнинг ўз вақтида бажарилиши бўйича зарур чораларни кўришини қайд этди.
Изоҳ (0)