Гамбург ҳудудий суди 24 август куни халқаро майдонда бизнесменларнинг обрўсини ҳимоя қилиш контекстида намуна бўладиган қарор қабул қилди. Бу ҳақда EU Today хабар берди.
Алишер Усмонов Австриянинг Kurier газетасини Россия президенти Владимир Путин уни ўзининг “севимли олигархи” деб атагани ҳақидаги мақоласи юзасидан судга берди. Суд қарорида қуйидагилар келтирилган:
“Kurier журналистлари Путин Усмоновни ўзининг ‘севимли олигархи’ деб атагани ҳақидаги даъвосининг ҳаққонийлигини исботлай олмади”
Путиннинг тегишли баёноти тўғрисида оммага очиқ ҳеч қандай маълумот йўқлигини ҳисобга олиб, суд ушбу даъвони фактлар билан тасдиқланмагани сабабли тарқатишни тақиқлади.
Шунингдек, қарорда бундай баёнотлар тадбиркорнинг обрўсига салбий таъсир кўрсатиши ва унинг ҳуқуқларини бузиши мумкинлиги таъкидланган.
Аввалроқ Усмоновнинг адвокатлари Европа Иттифоқи судига бизнесмен жамоат арбоби сифатида оммага кенг танилгани ва Россиянинг энг бой одамларидан бири сифатидаги обрўси санкцияларга асосий номзод қилиб қўйгани учун европалик расмийлар “қурбони”га айланганини айтганди.
Россия ва Ўзбекистон фуқаролигини олган Усмонов асосан Ўзбекистонда яшайди. Миллиардер шахсий хайрия лойиҳаларига эътибор қаратиш учун бизнесни тарк этганини айтган.
Изоҳ (0)