Санкт-Петербургдаги сабзавот омборида ишлаётган 100 га яқин Россия паспортига эга муҳожирлар ҳарбий комиссариятга (военкомат) олиб кетилди. Бу ҳақда “Коммерсант” хабар берди.
Текширув давомида жами 400 нафарга яқин чет эл фуқароси аниқланган, улардан 55 нафари миграция қонунчилигини бузган ҳолда Россия ҳудудида бўлган. Бир нафар мигрант сохта ҳужжатларни тақдим этган, шу сабабли унга нисбатан жиноий иш қўзғатилган.
Рейдлар давомида Россия паспортига эга бўлган шахсларни ҳарбий рўйхатга олиш бўлимларига жўнатиш полиция томонидан миграция қонунчилигига риоя этилишини текширишнинг “янги варианти” деб аталган.
Полицияга кўра, мазкур фуқаролар рейдда қизиқиш категориясига кирмайди, аммо ҳуқуқ-тартибот ходимлари имкониятдан фойдаланиб, “русларни янада ўқитиш имкониятини қўлдан бой бермаяпти”. Ҳарбий хизмат конституциявий мажбурият экани таъкидланган.
Изоҳ (0)