Ўзбекистон ОТМларига кириш тест синовлари натижалари эълон қилинди

Ўзбекистонда 2023–2024-ўқув йили учун олий таълим муассасаларининг бакалавриат таълим йўналишларига кириш тест синовлари бўйича танлов натижалари эълон қилинди. Бу ҳақда Билимни баҳолаш агентлиги ахборот хизмати хабар берди.

Унга кўра, танлов натижаларини 6 хил усулда билиш мумкин:

1. my.uzbmb.uz сайти орқали:

my.uzbmb.uz сайтига абитуриентнинг паспорт серияси ва рақами ҳамда шахсий идентификация рақамини киритган ҳолда.

2. mandat.uzbmb.uz сайти орқали:

mandat.uzbmb.uz сайтининг “Бакалавр-2023” бўлимига абитуриентнинг ID рақамини киритган ҳолда.

3. SMS хабарнома хизмати орқали:

5100 рақамига абитуриентнинг ID рақами юборилганда, мазкур телефон рақамига танлов натижалари бўйича SMS хабарнома юборилади (хизмат ҳақи мавжуд).

4. Билимни баҳолаш агентлигининг қуйидаги телеграм ботлари орқали (абитуриентнинг ID рақамини юборган ҳолда):

 @e_dtm_mandatbot
 @e_dtm_mandat1bot
 @e_dtm_mandat2bot
 @e_dtm_mandat3bot
 @e_dtm_mandat4bot

5. QR-код орқали:

Абитуриент рухсатномасининг қуйи қисмидаги QR-код (натижани кўриш учун ҳавола) ни сканер қилган ҳолда.

6. Тест натижалари қайдномаси орқали:

Шунингдек, тест натижалари қайдномаси олий таълим муассасаларига тақдим этилади.