Ўзбекистон 2023 йилнинг январь—июль ойларида Хитойга табиий газ етказиб бериш ҳажмини қиймат жиҳатидан сезиларли даражада қисқартирди. Бу ҳақда Хитой божхона бош бошқармаси маълумотларига таяниб, “ТАСС” хабар берди.
Маълумотларга кўра, Ўзбекистоннинг Хитойга етти ой давомида газ экспорти 41,6 фоизга камайган. Республика 295,3 миллион долларлик газ сотган.
Туркманистон Хитойга газ етказиш бўйича етакчилик қилишда давом этмоқда. Жумладан, мамлакат 5,85 миллиард долларлик газ сотган, ўсиш кўрсаткичи —10 фоиз.
Қозоғистондан газ экспорти эса 5,4 фоизга пасайиб, 614,32 миллион долларни ташкил қилмоқда. Мамлакатнинг Хитойга қанча газ етказиб бергани ҳақида маълумот берилмаган.
Хитой туркман газини учта кон — “Бахтиёрлик”, “Малай” ва “Галкиниш” (Туркмангаз назорати остида)дан олади.
2009 йилнинг декабрь ойидан Ўзбекистон ва Қозоғистон ҳудудидан ўтадиган газ қувури қурилиши тугаганидан сўнг Хитойга етказиб бериш амалга оширилмоқда.
Айни пайтда газ қувурининг Ўзбекистон, Тожикистон ва Қирғизистон орқали тўртинчи тармоғини қуриш бўйича музокаралар олиб борилмоқда. Янги лойиҳа Туркманистондан йиллик газ етказиб беришни ҳозирги 40 миллиард кубометрдан йилига 65 миллиард кубометргача ошириши мумкин.
Изоҳ (0)