Автомототранспорт воситалари ва шаҳар электр транспорти воситалари ҳайдовчиларини тайёрлаш ҳамда қайта тайёрлаш бўйича нодавлат таълим хизматларини кўрсатиш фаолиятини лицензиялашга оид қонунчилик такомиллаштирилмоқда. Шу муносабат билан Вазирлар Маҳкамасининг айрим қарорларига ўзгартириш ва қўшимчалар киритилди.
Ҳужжат билан автомототранспорт воситалари ва шаҳар электр транспорти воситалари ҳайдовчиларини тайёрлаш ва қайта тайёрлаш бўйича нодавлат таълим хизматларини кўрсатиш фаолиятини лицензиялаш паспорти тасдиқланди:
- лицензия юридик шахсларга берилади;
- лицензияловчи орган — Ички ишлар вазирлиги;
- аризаларни кўриб чиқиш учун БҲМнинг 2 баробари (660 минг сўм), лицензияни беришда эса давлат божи сифатида БМҲ 10 баробари миқдорида (3,3 миллион сўм) йиғим ундирилади.
Лицензияни олиш учун тақдим қилинадиган ҳужжатлар:
- Ариза;
- ёнғин ва санитария-эпидемиология хизмати органларининг мавжуд бинолар ва хоналарнинг ёнғин хавфсизлиги талабларига ва санитария-гигиэна нормаларига мувофиқлиги тўғрисидаги хулосалари;
- педагог кадрлар (ҳайдовчи-йўриқчилар) ҳақида маълумот;
- ўқув режаси ва дастуларининг электрон нусхалари.
Ички ишлар вазирлиги ариза қабул қилгандан сўнг 15 иш куни ичида ҳужжтларнинг лицензия талаблари ва шартларига мувофиқлигини ўрганади.
Эслатиб ўтамиз, Ўзбекистон президентининг 2020 йил декабрдаги қарорида хусусий секторга имтиҳонларни ташкил этиш ҳуқуқи 1 апрелдан берилиши қайд этилган эди. Ҳукуматнинг 2021 йил май ойидаги қарорига ўра, мамлакатда хусусий секторга ҳайдовчилик гувоҳномаларини олиш учун имтиҳонларни ўтказиш ҳуқуқи берилди.
Изоҳ (0)