Avtomototransport vositalari va shahar elektr transporti vositalari haydovchilarini tayyorlash hamda qayta tayyorlash bo‘yicha nodavlat ta’lim xizmatlarini ko‘rsatish faoliyatini litsenziyalashga oid qonunchilik takomillashtirilmoqda. Shu munosabat bilan Vazirlar Mahkamasining ayrim qarorlariga o‘zgartirish va qo‘shimchalar kiritildi.
Hujjat bilan avtomototransport vositalari va shahar elektr transporti vositalari haydovchilarini tayyorlash va qayta tayyorlash bo‘yicha nodavlat ta’lim xizmatlarini ko‘rsatish faoliyatini litsenziyalash pasporti tasdiqlandi:
- litsenziya yuridik shaxslarga beriladi;
- litsenziyalovchi organ — Ichki ishlar vazirligi;
- arizalarni ko‘rib chiqish uchun BHMning 2 barobari (660 ming so‘m), litsenziyani berishda esa davlat boji sifatida BMH 10 barobari miqdorida (3,3 million so‘m) yig‘im undiriladi.
Litsenziyani olish uchun taqdim qilinadigan hujjatlar:
- Ariza;
- yong‘in va sanitariya-epidemiologiya xizmati organlarining mavjud binolar va xonalarning yong‘in xavfsizligi talablariga va sanitariya-gigiena normalariga muvofiqligi to‘g‘risidagi xulosalari;
- pedagog kadrlar (haydovchi-yo‘riqchilar) haqida ma’lumot;
- o‘quv rejasi va dastularining elektron nusxalari.
Ichki ishlar vazirligi ariza qabul qilgandan so‘ng 15 ish kuni ichida hujjtlarning litsenziya talablari va shartlariga muvofiqligini o‘rganadi.
Eslatib o‘tamiz, O‘zbekiston prezidentining 2020-yil dekabrdagi qarorida xususiy sektorga imtihonlarni tashkil etish huquqi 1-apreldan berilishi qayd etilgan edi. Hukumatning 2021-yil may oyidagi qaroriga o‘ra, mamlakatda xususiy sektorga haydovchilik guvohnomalarini olish uchun imtihonlarni o‘tkazish huquqi berildi.
Izoh (0)