Ўзбекистон Маданият вазирлиги 15 дона Isuzu NPR 75L-K русумли юк транспортлари сотиб олади. Бу борадаги лот Давлат харидлари электрон тизимига жойланди.
Вазирлик бошланғич нархи 543 миллион бўлган транспорт воситалари учун жами 8,1 миллиард сўм ажратади.
Ушбу фургонлар президентнинг 2022 йил 2 февралдаги ПҚ-112-сон қарорининг 5-иловасига асосан сотиб олиниши белгиланган. Мазкур транспорт воситалари Ўзбекистон давлат мусиқали комедия театри, Ёш томошабинлар театри ва вилоятлардаги бошқа қатор театрлар учун мўлжалланган.
2022 йилда Маданият вазирлиги салкам 16 миллиард сўмга 2 та махсус автомобиль харид қилгани ҳақида хабар берилганди. 2023 йил апрелда эса вазирлик харид қилган мазкур автомобиллар намойиш этилди.
Хабарга кўра, ушбу махсус автомобиль Марказий Осиёда ягона ҳисобланади. Бундай замонавий автотранспорт воситасини тайёрлаш имконияти бўйича хорижий давлатлар ўрганилгани ва энг маъқули сифатида Хитой танланиб, вазирлик томонидан ОМDМ ва Huayuan компанияси билан музокара олиб борилган эди. Музокара хулосасига кўра, ОМDМ компанияси томонидан 873 минг доллар, Олмаота шаҳридаги Kazakhstan мусиcал течнологиэс филиали томонидан 900 026 доллар таклифи (битта махсус автотранспорт воситаси хариди учун) билдирилган.
Изоҳ (0)