Ўзбекистонда 2023 йилнинг олти ойи давомида 154,5 минг дона янги енгил автомобиль Йўл ҳаракати хавфсизлиги хизмати томонидан давлат рўйхатидан ўтказилган. Бу ҳақда Статистика агентлиги хабар берди.
Шундан:
- Ўзбекистонда ишлаб чиқарилган – 89,7 фоиз (138,5 минг дона);
- хорижда ишлаб чиқарилган – 10,3 фоиз (16 минг дона).
Шунингдек, 2023 йилнинг январь—июнь ойлари давомида Ўзбекистонда йўл ҳаракати хавфсизлиги хизмати томонидан 169 861 та янги автотранспорт воситалари давлат рўйхатидан ўтказилган.
Автомобильлар импорти
Ўзбекистонга 2023 йилнинг январь—март ойларида 1 668 та электромобил импорт қилинган. Шунингдек, март ойида хорижда ишлаб чиқарилган янги енгил автомобиллар савдоси сезиларли даражада ошгани тўғрисида хабар берилганди. Бир ой ичида “иномарка”лар бўйича битимлар сони 15 фоизга кўпайган ва 2,9 минг донага етган. Февраль ойида эса электромобиллар сотуви 746 донани ташкил этиб, рекорд қайд этган эди.
Иқтисодий тадқиқотлар ва ислоҳотлар маркази томонидан ўтказилган ўрганишларга кўра, июнь ойида енгил электромобиллар савдоси 8,7 фоизга ўсди ва 2,1 мингтани ташкил этган. Тошкент шаҳри электромобиллар савдоси бўйича етакчилигича қолмоқда — 1,6 мингта. Тошкент ва Фарғона вилоятларида мос равишда 105 дона ва 102 дона сотилган.
Изоҳ (0)