Буюк Британияда 30 дан ортиқ мутацияга эга коронавируснинг янги BA.2.86 тури аниқланди. Бу ҳақда мамлакат соғлиқни сақлаш хавфсизлиги агентлигига (UKHSA) таяниб, Тhе Guardian хабар берди.
Коронавируснинг бу тури кўп мутацияга эгалиги билан олимларни хавотирга солмоқда. BA.2.86 деб номланган вариант генетик кетма-кетлик орқали аниқланган, гарчи ҳозиргача бундай кетма-кетликларнинг бир нечтаси ҳақида хабар берилган.
“Биз BA.2.86 Буюк Британияда аниқланганидан хаBAрдормиз. Вазият BAҳоланмоқда ва ўз вақтида қўшимча маълумот берилади”, — дейди UKHSA директори ўринбосари доктор Мира Чанд.
Ушбу турдаги ковид биринчи марта Исроилда аниқланган, кейинчалик Дания ва АҚШда рўйхатга олинган.
Жаҳон соғлиқни сақлаш ташкилоти (ЖССТ) BA.2.86 варианти устидан мониторинг ўрнатганини айтган: кўп сонли мутациялар туфайли у “кузатиш остидаги вариантлар” рўйхатига киритилган.
Ҳозирда дунёда энг кенг тарқалган коронавирус вариантлари XBB.1.16 ва EG.5 ҳисобланади. Улар мос равишда 101 ва 50 та давлатда аниқланган.
Изоҳ (0)