Анвар Зулфанов ва Акбархон Ибрагимов Тошкент вилояти солиқ бошқармаси бошлиғига ўринбосар этиб тайинланди. Бу ҳақда вилоят солиқ бошқармаси матбуот хизмати хабар берди.
Тайинловга қадар Анвар Зулфанов Тошкент вилояти солиқ бошқармаси Солиқ назорати бўлими бошлиғи лавозимида фаолият юритиб келаётган эди.
Анвар Зулфанов 1982 йилда туғилган. Тошкент давлат иқтисодиёт университетини тамомлаган. Солиқ тизимидаги меҳнат фаолиятини 2007 йил Тошкент шаҳар Мирзо Улуғбек тумани давлат солиқ инспекцияси Юридик шахслардан солиқ ва тўловларни бюджетга тушушини назорат ва тахлил қилиш шўбаси давлат солиқ инспектори лавозимидан бошлаб, шўба бошлиғи, бўлим бошлиғи, давлат солиқ инспекцияси бошлиғи ўринбосари лавозимларида фаолият юритган.
Акбархон Ибрагимов тайинловга қадар Тошкент шаҳар Янги ҳаёт тумани солиқ инспекцияси бошлиғи лавозимида фаолият юритиб келаётган эди.
У 1984 йилда туғилган. 2005 йили Ўзбекистон Миллий университети, 2009 йили Тошкент давлат юридик институтларини тамомлаган. Солиқ тизимидаги меҳнат фаолиятини 2006 йил Тошкент шаҳар Яккасарой тумани давлат солиқ инспекцияси Инкассация ишларини ташкил этиш шўбаси давлат солиқ инспектори лавозимидан бошлаган.
Изоҳ (0)