Футбол бўйича УЕФА Суперкубогида “Манчестер Сити” “Севилья” устидан пенальтилар сериясида ғалаба қозонди.
- Сўнгги 11 йил ичида Чемпионлар Лигаси ғолиби 10 марта Европа Суперкубогида зафар қучди. Фақатгина бир марта Европа Лигаси ғолиби ушбу финалда шоҳсупага кўтарилган: 2018 йилда “Атлетико” “Реал”ни (4:2) мағлуб этган.
- “Манчестер Сити” ўз тарихи мобайнида 33-совринини қўлга киритди. “Шаҳарликлар” АПЛда 9 марта ғалаба қозонган, Англия Кубогида 7 марта, Лига Кубогида 8 марта, Англия Суперкубогида 6 марта, Кубок эгалари Кубогида бир марта, Чемпионлар Лигасида бир мартадан ғолибликни қўлга киритган.
- “Севилья” УЕФА Суперкубогидаги 7 та иштирокдан 6 тасида мағлубиятга учраган. Фақатгина 2006 йилда “Барселона”ни 3:0 ҳисобида мағлуб этган.
- Манчестер клуби бош мураббийи Пеп Гвардиола фаолияти давомида 36-совринига эга чиқди. Испаниялик мутахассис “Барселона” билан 14 та соврин ютган бўлса, “Бавария” устози сифатида 7 та совринни қўлга киритган. Инглиз клуби билан эса 7 йил ичида 15 та соврин жамғарди.
- Шунингдек, Гвардиола Европа Суперкубогидаги ғалабалар сони бўйича Карло Анчелоттига етиб олди. Иккала мураббийда ҳам энди ушбу турнирдаги 4 тадан ғалаба мавжуд. Анчелотти “Милан” (2003, 2007) ҳамда “Реал” (2014, 2022) билан шоҳсупага кўтарилган бўлса, Пеп “Барселона” (2009. 2011) ва “Бавария” (2013) билан биргаликда зафар қучган. Энди эса “Манчестер Сити” устози сифатида Супекубокда ғолиб бўлди.
Изоҳ (0)