Ўзбекистон ёшлари Мираброр Усмонов хотирасига бағишланган турнирда ғолиб бўлди 

Тошкент шаҳрида Мираброр Усманов Memorial Cуп—2023 хотира турнири ўтказилди.

Таниқли давлат арбоби, “Меҳнат шуҳрати”, “Эл-юрт ҳурмати” ва “Дўстлик” орденлари соҳиби, бир неча йиллар давомида спорт, хусусан футбол ривожланиши ҳамда дунёда ўз ўрнига эга бўлишида улкан ҳисса қўшган шахс — Мираброр Усмоновнинг ёрқин хотирасида бағишланган мусобақа ўтказилди. 

Ўзбекистон футбол ассосиасияси Мираброр Зуфарович хотирасига бағишлаб анъанавий халқаро турнир ташкил этиб келмоқда. Хусусан, жорий йилнинг 11 август куни “Бунёдкор” стадионида ушбу турнирнинг очилиш маросими бўлиб ўтди. 11-15 августга қадар давом этган турнирда 15 ёшгача бўлган 4 та жамоа — Ўзбекистон, Саудия Арабистони, БАА ва Черногория иштирок этди. Учрашувлар “Бунёдкор”, “Пахтакор” ҳамда “Дўстлик” стадионларида бўлиб ўтди.

Сўнгги турда ўзбекистонлик ёш футболчилар черногориялик тенгқурларини йирик 6:1 ҳисобида мағлубиятга учратиб ғолибликни қўлга киритди.

Мусобақадаги ёрқин иштироклари учун қуйидаги футболчилар тақдирланди:

• Марко Глендза (Черногория)
• Салим Эсам (БАА)
• Муҳаммадали Мусахонов (Ўзбекистон)

Иброҳим Шокиров эса “Мусобақанинг энг яхши дарвозабони” совринига лойиқ кўрилди.

Муҳаммад Ал-Ҳамид —  “Мусобақанинг энг яхши тўпурари”.

 Жамшидбек Рустамов —  “Мусобақанинг энг яхши футболчиси”.