Фарғона вилояти ИИБ ҳудудий электр тармоқлари корхонаси биносида юз берган жанжал юзасидан расмий маълумот берди.
Қайд этилишича, интернет ижтимоий тармоқларида тарқалган Фарғона вилоят ҳудудий электр тармоқлари корхонаси биносига бир неча шахслар бостириб кириб, корхона ходимига тан жароҳати етказгани ҳақидаги видеохабар вилоят ИИБ томонидан ўрганиб чиқилган.
Маълум бўлишича, 7 август куни корхонанинг кадрлар бўлими бошлиғи У.М. корхона ҳисобчиси Н.Х.га қўнғироқ қилиб, ишга келмагани юзасидан суҳбатлашиш жараёнида унинг турмуш ўртоғи Х.Н. билан ўзаро жанжаллашиб кетган. Х.Н турмуш ўртоғи ҳамда икки нафар танишлари билан корхонага келиб, У.М.ни қўллари билан уриб, унга тан жароҳати етказган. Шунингдек, унинг бошқарувидаги автомашина ойнасини синдириб ташлаган.
Суд тиббий экспертизасининг 10 августдаги хулосасида У.М.да ёпиқ бош мия жароҳати, бош мия чайқалиши, ўнг пешона соҳасининг лат яра, ўнг кўз қовоқларида қонталаш, пастки лаб ўнг томонида лат яра, чап қулоқ супраси орқа юзасида қонталаш, пастки жағ ўнг ияк соҳасида қонталашлар аниқланиб, ушбу тан жароҳатлари соғлиқни 6 кундан кўп аммо 21 кундан кам бўлган муддатга бузилишига олиб келувчи енгил шикастлар тоифасига кириши кўрсатилган.
Мазкур ҳолат юзасидан Х.Н.га нисбатан Фарғона шаҳар ИИО ФМБ ҳузуридаги тергов бўлими томонидан Жиноят кодексининг 109-моддаси (қасддан баданга енгил шикаст етказиш) 2-қисми билан жиноят иши қўзғатилиб, ҳозирда тергов ҳаркатлари олиб борилмоқда.
- Апрель ойида Самарқанд вилояти Нарпай туманидаги бозорларнинг бирида сотувчи йигит 16 киши томонидан калтаклангани тўғрисида хабар берилганди.
- Шунингдек, май ойида Қорақалпоғистонда боғча тарбиячиси бир неча киши томонидан калтакланган,
- Бухородаги дўконларнинг бирида эркак аёлини аёвсиз урган эди.
Изоҳ (1)
илтимос каердан ишлаганини нима езасизлар