Ижтимоий тармоқларда Асака туманида ободонлаштириш бўлимининг икки нафар ходими тадбиркор томонидан дўппослангани ҳақида хабар тарқалди. Ушбу ҳолат юзасидан вилоят оила ва хотин-қизлар бошқармаси муносабат билдирди.
Маълум қилинишича, 14 апрель куни Асака тумани, “Муқимий” маҳалласида яшовчи М.К. 102-қисқа рақамига қўнғироқ қилиб, туманнинг “Янгисор” маҳалласида жанжал бўлаётгани ҳақида хабар қилган. Мурожаат юзасидан туман ИИБ ходимлари томонидан ўрганиш олиб борилган.
Аниқланишича, ҳолат 14 апрель куни соат 14:00 лар чамасида “Янгисор” маҳалласи ўрамида жойлашган қурилиш моллари дўкони олдида юз берган. Ушбу вақтда тадбиркор М.А.нинг савдо дўкони олдида жойлашган хонага туман Ободонлаштириш бўлими ходимлари келиб, дам олишга келишган. Натижада тадбиркор ва аёллар ўртасида ўзаро жанжал келиб чиққан. Жанжал оқибатида О.Т.га тан жароҳати етказилган.
Ушбу ҳолат юзасидан Асака туман ИИБ профилактика катта инспектори, капитан Ш.Мирзакаримов томонидан дастлабки терговга қадар текширув ҳаракатлари олиб борилиб, жабрланувчи О.Т. 15 апрель куни вилоят суд-тиббий экспертизадан ўтказилган.
Қўшимча қилинишича, Асака туман оила ва хотин-қизлар бўлими томонидан ҳодиса рўй берган куннинг ўзида аёллар билан мулоқот олиб борилиб, уларга руҳий, психологик ёрдамлар кўрсатилган.
Изоҳ (0)