Номаълум давлат Украина учун 50 та Леопард танки сотиб олди

Номи ошкор этилмаган давлат Украина учун 50 та Леопард 1 танкларини сотиб олди. Бу ҳақда Бельгия маҳаллий нашри хабар берди.

Бир неча йил олдин Бельгия армияси 50 та танкни бутунлай фойдаланишдан олиб ташлаган, у харид қилингунга қадар Турне шаҳридаги омборда сақланган. Бельгия уларни Украинага топширишни режалаштирмаган, чунки танкларни ишга тушириш жуда қимматга тушган.

Бельгия ОIP Systems компаниясига тегишли танкларнинг ҳар бирини 15 000 еврога сотган. Танкларни жойлаштириш учун етарли ангарлар бўлмаган, шунинг учун танклар арзон нархларда сотилган.

Натижада уларни бошқа давлат харид қилган, аммо қайсилиги номаълум. Танклар таъмирлангач, уларнинг биринчи партияси Германия ва Италия орқали Украинага юборилган. Уларни янги қурол тизимлари билан жиҳозлаш ҳам режалаштирилган.

Ҳозирча фақат Германия, Дания ва Нидерландия Леопард 1 танкларини Украинага юборишини эълон қилган.