Украинага кўпроқ Ғарб жанговар танклари, пиёда аскарларнинг жанговар машиналари ва бошқа зирҳли техникалари керак, деди Украина Ташқи ишлар вазирлиги раҳбари ўринбосари Андрей Мелник.
Унинг фикрича, Берлин Киевга етказиб берган 18 та танкдан кўра кўпроқ танк жўнатиши мумкин. Германия ўз захирасида 300 та танкка эга.
Жаноб Мелникнинг сўзларига кўра, етказиб берилган танклар сонини “Германиянинг ўзини мудофаа қилиш қобилиятига путур етказмасдан” уч баробарга ошириш мумкин.
“Ҳал қилувчи ҳужум учун ҳар бир Леопард 2 танкининг қадри олтинга тенгдир”, — деб қўшимча қилди Андрей Мелник.
Вазир ўринбосари, шунингдек, Украина армиясига яна 60 та Marder пиёда аскарларининг жанговар техникасини топширишни сўради.
Аввалроқ Испания Украина армиясига таъмирланган олтита Леопард танкини юборганди. Швеция ва Польша ҳам немис танкларини Украинага топшириш нияти ҳақида гапирган. Нидерландия ҳам Украина учун Леопард танкларини сотиб олмоқчи эканлигини маълум қилган.
Изоҳ (0)