Тошкент шаҳар Яшнобод туманида 2 қаватли уйда ёнғин содир бўлди. Бу ҳақда ФВВ ахборот хизмати хабар берди.
Унга кўра, 7 август куни соат 15:59 да Тошкент шаҳар Яшнобод тумани “Ибрат” МФЙ Чирчиқ кўчасида жойлашган 2 қаватли уйда ёнғин содир бўлаётгани тўғрисида ФВБга хабар келиб тушган.
4 та ёнғин-қутқарув экипажи соат 16:15 да воқеа жойига етиб бориб, 16:49 да ўраб олинган ва соат 16:50 да ўчирилган. Ёнғин натижасида уйнинг, тахминан, 90 квадрат метр майдонда том қисми ёниб зарарланган. Ҳодиса оқибатида тан жароҳати олган ва ҳалок бўлганлар йўқ. Ёнғин сабаби ва моддий зарар миқдори аниқланмоқда.
Изоҳ (0)