Президентнинг 7 августдаги тегишли қарори билан иқтисодиёт ва молия вазирлигида айрим раҳбар ходимлар лавозимга тайинланди ва айримлари лавозимидан озод этилди.
Илҳом Норқулов Иқтисодиёт ва молия вазирининг биринчи ўринбосари этиб тайинланди. У 2023 йил февралдан буён вазир ўринбосари эди.
Аҳадбек Ҳайдаров вазир ўринбосари этиб тайинланган. У 2023 йилнинг 24 февралидан буён қишлоқ хўжалиги вазири ўринбосари эди.
Абдулазиз Ҳайдаров вазир ўринбосари этиб тайинланди. Тайинловга қадар 2020 йилнинг июнидан буён Бюджетдан ташқари пенсия жамғармаси директори эди.
Отабек Фозилкаримов вазир ўринбосари этиб тайинланди. У 2022 йилнинг мартидан буён соғлиқни сақлаш вазири ўринбосари эди.
Бобур Хўжаев вазир ўринбосари этиб тайинланди. Бунга қадар Президент Администрациясида шўба мудири бўлган.
Жасур Қаршибоев ҳам вазир ўринбосари этиб тайинланди. Тайинловга қадар вазирликда Давлат ички ва ташқи қарз департаменти директори бўлиб ишлаган.
Мурод Отажонов Ғазначилик хизмати қўмитаси раиси этиб тайинланди.
Шунингдек, иқтисодиёт ва молия вазирининг ўринбосарлари Эркин Рустамов ҳамда Дилшод Султонов бошқа ишга ўтиши муносабати билан лавозимидан озод этилди.
Эслатиб ўтамиз, 3 август куни президентнинг тегишли фармони билан Жамшид Қўчқоров бош вазир ўринбосари — Ўзбекистон иқтисодиёт ва молия вазири лавозимига тасдиқланганди.
Изоҳ (0)