Davlat soliq qo‘mitasi Iqtisodiyot va moliya vazirligi tarkibidan chiqarilib, Vazirlar Mahkamasi tuzilmasiga o‘tkazildi.
Prezidentning tegishli farmoni bilan Jamshid Qo‘chqorov bosh vazir o‘rinbosari — O‘zbekiston iqtisodiyot va moliya vaziri lavozimiga tasdiqlandi. Uning nomzodi Oliy Majlis Qonunchilik palatasi deputatlari tomonidan ma’qullangan.
Prezidentning tegishli qarori bilan Vazirlar Mahkamasi huzuridagi Soliq qo‘mitasi raisi lavozimiga Sherzod Kudbiyev tayinlandi. Shu munosabat bilan u O‘zbekiston iqtisodiyot va moliya vaziri lavozimidan ozod etildi.
Sherzod Kudbiyev Davlat soliq qo‘mitasini 2020-yil may oyidan 2022-yil oxirigacha boshqargan. U bunga qadar prezidentning davlat xizmati va vakillik organlari bilan o‘zaro hamkorlik masalalari bo‘yicha maslahatchisi, bandlik va mehnat munosabatlari vaziri, Toshkent shahrining Mirzo Ulug‘bek tumani hokimi va boshqa lavozimlarda ishlab kelgan.
Eslatib o‘tamiz, prezidentning “Yangi O‘zbekiston ma’muriy islohotlarini amalga oshirish chora-tadbirlari to‘g‘risida”gi farmoni bilan 2023-yil 1-yanvardan Vazirlar Mahkamasi tarkibidagi vazirliklar 25 tadan 21 taga qisqartirilgandi. Farmonga muvofiq Soliq qo‘mitasi Iqtisodiyot va moliya vazirligi tarkibiga kiritilib, vazirlikka Sherzod Kudbiyev rahbar etib tayinlangandi. Jamshid Qo‘chqorov bosh vazir o‘rinbosarligiga tasdiqlangandi.
Izoh (0)