Россия президенти Владимир Путин кучишлатар тизим вакиллари, Фавқулодда вазиятлар вазирлиги ва хусусий қўриқлаш ташкилотларига (ХҚТ) ўз масъулияти доирасида дронларнинг ҳаракатланишини тўхтатиш ҳуқуқини бериш тўғрисидаги қонунни имзолади.
Қонунга кўра, ҳуқуқни муҳофаза қилиш органлари (Ички ишлар вазирлиги, Федерал хавфсизлик хизмати, Россия гвардияси, Федерал қўриқлаш хизмати, Ташқи разведка хизмати, Федерал жазони ижро этиш хизмати), шунингдек, идоравий хавфсизлик ташкилотлари ҳаводаги, сувдаги ва ердаги ҳар қандай дронларнинг ҳаракатланишини тўхтатиш ҳуқуқига эга.
Дронларга қарши курашиш ваколатлари, шунингдек, Давлат фелдегерлик хизмати ходимлари ва Россия Фавқулодда вазиятлар вазирлиги қутқарув ҳарбий қисмларининг ҳарбий хизматчиларига ҳам тегишли.
Шунингдек, янги қонунга кўра, дронларни терроризмга қарши хавфсизлик талаблари белгиланган объектларни қўриқловчи хусусий қўриқлаш компаниялари ходимлари ҳам уриб тушириши мумкин.
1 августга ўтар кечаси Москвага яна дронлар ҳужуми уюштирилди. Улардан иккитаси шаҳарга яқинлашганида ҳаво мудофааси томонидан уриб туширилган бўлса, учинчиси аввалги ҳужумда шикастланган “Москва Сити” бизнес марказидаги бинога келиб урилган.
Изоҳ (0)