Навоий вилояти Хатирчи туманидаги тиббиёт бирлашмасида аёл туғуруқдан сўнг вафот этди. Вилоят прокуратураси ҳолат тафсилотларини очиқлади.
Унга кўра, Хатирчи тумани, “Хонақа” маҳалласида яшовчи, 1998 йилда туғилган фуқаро С.Хўрозова туғуруқдан сўнг туман тиббиёт бирлашмаси жонлантириш бўлимида вафот этган. Мазкур ҳолат юзасидан Хатирчи туман прокуратураси томонидан терговга қадар текширув ҳаракатлари олиб борилмоқда.
Терговга қадар текширув ҳаракатлари давомида марҳуманинг ўлим сабабларини аниқлаш мақсадида судга оид тиббий экспертиза ва туман тиббиёт бирлашмаси шифокорларининг хатти-ҳаракатлари юзасидан хизмат текшируви тайинланган. Текширув ҳаракатлари вилоят прокуратураси томонидан назоратга олинган.
Изоҳ (0)